ГІМН НАРМАЛЬНАСЦІ
Хутка № 2! Гэты фільм пра звычайнага чалавека, Джорджа Бэйлі, які цяжка працуе, позна вяртаецца, жыве ў маленькім гарадку, жанаты, мае 4 дзяцей, даглядае старую маці, ездзіць на старой машыне, нічога асабліва не вырашае... здаецца. Але на самой справе дзякуючы яму квітнеюць жыцці мноства людзей, якім ён дапамог, аддаючы апошнія сілы і грошы.
Як нам не стае праслаўлення такога нармальнага і цудоўнага жыцця! Звычайна захапляюцца прыгожымі, заможнымі, знакамітымі, але часта ва ўсіх сэнсах бясплоднымі. Не абавязкова бываць на ўсіх імпрэзах, шоў, жыць у сталіцы, мець апошні смартфон, крутую машыну, каб быць паспяховым і значным, пражыць вартае жыццё.
Добрая маці такая ж паспяховая, як прэзідэнт карпарацыі, дасведчаны вертэрынар не горшы за галівудскага акцёра, акуратны кіроўца аўтобуса - за спевака. Свет рухаюць мноства простых людзей.
Твая паспяховасць базуецца не на прынятай грамадствам "норме паспяховасці", а на тым, наколькі ты выконываеш пакліканне і прызначэнне, якое табе даў твой Творца. Шчасце залежыць не ад колькасці дыпломаў і рэчаў, а ад таго, наколькі ты прымаеш сваю ролю, імкнешся граць яе як найлепш і ўдзячны за яе. Знайсці сябе - гэта не споўніць свае мары (прынамсі, не заўжды), а ўбачыць Божы план для свайго жыцця і жыць ім. Твая вартасць не ў высокай пасадзе, а ў тым, што ты набыты высокім коштам для Хрыста, каб тыя, што жывуць, ужо ня дзеля сябе жылі, (2-е да Карынфянаў 5:15).
Бацька Джорджа ведае гэта, сам жыве так і спрабуе навучыць сыноў, але Джордж зразумеў узнагароду такога жыцця толькі праз шмат год, праблем і 2 гадзіны фільма) .
#belweekend #кінаконг #kinakong Калядны кінамарафон працягвае галівудская класіка 🎉🎄
22-25 снежня ў кінатэатрах «Масква» і velcom cinema пройдуць паказы легендарнай кінастужкі «Гэтае цудоўнае жыццё». Гэты фільм прызнаны самым натхняльным у гісторыі і ўваходзіць у спіс найлепшых паводле IMDb і КиноПоиск.
Прыходзьце і запрашайце сяброў: afisha.tut.by/film/geta-cudounae-zhycce
